Friday, November 02, 2012

அரபு நாட்டவர்க்கும் இறைவனான சிவனே போற்றி!

நாம் கறுப்பர்! நமது மொழி தமிழ்!
 நம் தாயகம் ஆப்பிரிக்கா! - 12  

(பன்னிரண்டாம்  பாகம்)

"யாக்கோபு பெயேர்செபாவிலிருந்து புறப்பட்டு, கரானை நோக்கிச் சென்றான். அவன் ஓரிடத்திற்கு வந்தபோது கதிரவன் மறைந்துவிட்டான். எனவே அங்கே இரவைக் கழிப்பதற்காக அவ்விடத்தில் கிடந்த கற்களில் ஒன்றை எடுத்துத் தலைக்கு வைத்துக் கொண்டு, அங்கேயே படுத்துறங்கினான். அப்போது அவன் கண்ட கனவு இதுவே; நிலத்தில் ஊன்றியிருந்த ஓர் ஏணியின் நுனி மேலே வானத்தைத் தொட்டுக் கொண்டு இருந்தது. அதில் கடவுளின் தூதர் ஏறுவதும் இறங்குவதுமாய் இருந்தனர். யாக்கோபு தூக்கம் தெளிந்து, "உண்மையாகவே ஆண்டவர் இவ்விடத்தில் இருக்கிறார்; நானோ இதை அறியாதிருந்தேன்" என்று அச்சமடைந்து, "இந்த இடம் எவ்வளவு அச்சத்திற்குரியது! இதுவே இறைவனின் இல்லம், விண்ணுலகின் வாயில்" என்றார். பிறகு யாக்கோபு அதிகாலையில் எழுந்து, தலைக்கு வைத்திருந்த கல்லை எடுத்து, நினைவுத் தூணாக அதை நாட்டி, அதன் மேல் எண்ணெய் வார்த்து, "Luz" என்று வழங்கிய அந்த நகருக்குப் "பெத்தேல்(Bethel)" என்று பெயரிட்டார்." -  விவிலியம், ஆதியாகமம் (28:11-19)

"சிவன்", "சைவர்கள்" என்ற சொற்பதங்கள் எங்கே தோன்றின?  எமது அறிவுக்கெட்டிய தூரத்தில், இந்திய உபகண்டத்தில் அந்தச் சொற்களுக்கான மூலத்தை கண்டுபிடிக்க முடியவில்லை. நாங்கள் பிழையான இடத்தில் தேடினால் கிடைக்குமா? சிவ வழிபாடு, ஆதி தமிழர்களுக்கு உரிய சிறப்பம்சம் என்று பல தமிழ் அறிஞர்கள் கூறி வருகின்றனர். அப்படியானால், ஆதித் தமிழர்கள் வாழ்ந்த, அரபு நாடுகளிலும் சிவ வழிபாடு இருந்திருக்க வேண்டுமல்லவா? ஆச்சரியப் படத் தக்கவாறு, பல அரபு நாடுகளில் "சிவா" என்ற பெயரிலான இடங்கள் பலவுள்ளன. எகிப்தில் உள்ள "சிவா" பாலைவனச் சோலையில், வருங்காலத்தில் நடக்கப் போவதை அறிவிக்கும் தேவதை இருப்பதாக நம்பப் பட்டது. இன்றைய இஸ்ரேலில், சிவதா (Shivta), டெல் சிவா (Tel Sheva) என்ற பெயரிலான இடங்கள், நாகேவ் பாலைவனப் பிரதேசத்தில் உள்ளன. பண்டைய நாகாரீக காலத்திய நபெத்திய மக்கள் கட்டிய நகரங்கள் அவை.  ஹீபுரு மொழியில், ஆனி மாதத்திற்கு சிவன் என்று பெயர்!  அரேபியரின் பூர்வீகம், ஐந்தாயிரம் வருடங்களுக்கு முன்னமே நாகரிக வளர்ச்சி கண்ட யேமனில் உள்ளது. அன்று அது, ஷீபா நாகரீகம் என்று அழைக்கப் பட்டது. "ஷீபா" என்பது ஆங்கில உச்சரிப்பு. ஹீபுரு மொழியில், "ஷ்' வா". அரபு மொழியில் "சபா" (Saba). சபா என்ற சொல் மருவி, தமிழில் "சைவா" என்று மாறியிருக்குமா?  "B" உச்சரிப்பு கொண்ட சொற்கள், தமிழில் "வ" என்று மாறுவது பற்றி, ஏற்கனவே குறிப்பிட்டிருக்கிறேன்.   

சிவலிங்க வழிபாடு, "இந்தியாவை சேர்ந்த இந்துக்களுக்கே உரியது"  என்று நாங்கள் நினைத்துக் கொண்டிருக்கிறோம். சிவலிங்கத்தை கடவுளாக காணும் இந்துக்களும், அதனை "ஆண்குறித் தெய்வம்" என்று பரிகாசம் செய்யும் பிற மதத்தவரும் ஒரு உண்மையை அறியாமல் இருக்கின்றனர். அது ஒரு மத நம்பிக்கை என்பதற்கு அப்பால், ஆதி கால ஆப்பிரிக்க-திராவிடர்களின் பிரபஞ்சம் பற்றிய அறிவியலை எடுத்துக் காட்டுகின்றது. இந்தியாவிலும் இலங்கையிலும், சிவலிங்கத்தை மூல மூர்த்தியாக கொண்ட கோயில்களில், அது "சுயம்பு லிங்கம்"  என்று அழைக்கப் படுகின்றது. "சுயம்பு லிங்கம்", அல்லது "தான்தோன்றீஸ்வரர்" என்று ஏன் சொல்கிறார்கள்? மத நம்பிக்கை கொண்ட இந்துக்கள், "கடவுள் அந்த இடத்தில் தானாகவே தோன்றினார்."  என்று விளக்கம் கொடுக்கலாம். இன்றைக்கு அறிவியல் வளர்ந்து விட்ட உலகில், அதற்குப் பொருத்தமான காரணம் என்னவாக இருக்கும்?  

அரேபியாவில், முஸ்லிம்கள் புனித யாத்திரை செல்லும் மக்கா (மெக்கா என்பது ஆங்கில உச்சரிப்பு ) நகரில் உள்ள காபாவின்  உள்ளே, தெய்வச் சிலைகள் வைக்கப் பட்டுள்ளதாக சிலர் கூறுகின்றனர். இல்லை, அது ஒரு பூமியில் விழுந்த விண்வெளிக் கல் என்றும் நம்பப் படுகின்றது.  அதை எல்லாம் ஆராய்வது, இன்றைய நிலையில் சாத்தியமில்லாத விடயம் என்றாலும், ஒன்று மட்டும் உறுதியாகத் தெரிகின்றது. மக்கா நகரமும், அங்குள்ள காபா வழிபாடும் இஸ்லாத்திற்கு முந்தியது. பல்லாயிரம் வருடங்கள் பழமையானது. வரலாறு எழுதப்படாத காலத்தில் இருந்தே, அங்கு விழுந்த விண்வெளிக் கல்லும், அதைச் சுற்றி எழுப்பப் பட்ட கோயிலும் மக்களால் வழிபடப் பட்டு வந்திருக்க வேண்டும்.

ஆதி கால மனிதன், இடியை, மின்னலை கண்டு அஞ்சியதால், கடவுள் நம்பிக்கை தோன்றியது. அதிலே நாங்கள் இந்த விண்வெளிக் கல்லையும் சேர்த்துக் கொள்ளலாம்.  அந்தக் கற்கள், அண்டவெளியில் வெடித்துச் சிதறிய நட்சத்திரம் ஒன்றின் துண்டுகளாக இருக்க வேண்டும். அண்டவெளியில் நட்சத்திரங்களுக்கிடையில் மோதல்களும், வெடிப்புகளும் ஏற்படுவதாக விஞ்ஞானமும் கூறுகின்றது. அவ்வாறு வெடித்து சிதறி, பூமியில் வந்து விழுந்த துண்டுகளை, ஆதி மனிதன் கடவுளாக கருதி வழிபட்டு வந்திருக்கலாம். ஒருவேளை, நோய்களை குணப்படுத்தும் அதிசய சக்தி கூட அந்தக் கல்லுக்கு இருந்திருக்கலாம். பகைமை பாராட்டும் குழுக்கள், அந்தக் கல்லுக்கு அருகில் சென்று சமரசம் செய்து கொள்வது, பண்டைய அரேபியரின் சம்பிரதாயமாக இருந்தது. 

அண்டவெளியில் வெடித்து சிதறிய துகள்களில், ஒன்றேயொன்று மட்டுமே நமது பூமியில், அதுவும் மக்காவில் வந்து விழுந்திருக்குமா? உலகில் நாகரீகம் சமுதாயம் தோன்றுவதற்கு பல ஆயிரம் ஆண்டுகளுக்கு முன்னர், பூமிக்கு அருகில் வெடித்த நட்சத்திரம் ஒன்றின் துண்டுகள் உலகின் பல பாகங்களிலும் விழுந்திருக்கின்றன. ஒரு கல்லை வைத்து, கடவுள் என்று வழிபடும் முறை அதிலிருந்து தோன்றி இருக்கலாம். அதுவே சிவலிங்க வழிபாட்டின் தோற்றமாகவும் மாறி இருக்கலாம். அது, மனித வடிவில் கடவுள் சிலைகளை அமைப்பதற்கு முந்திய, மிகவும் பழமையான வழிபாடாகவும் இருக்கலாம். சைவ சமய நம்பிக்கையாளர்கள், தான்தோன்றீஸ்வரர், சுயம்பு லிங்கம் என்று அழைப்பது கூட, மண்ணில் விழுந்த விண்வெளிக் கற்களாக இருக்க வேண்டும்.

மத்திய கிழக்கில் யூத, கிறிஸ்தவ மதங்கள் தோன்றுவதற்கு முன்னர், விவிலிய நூலில் "பெத்தெல்" என்ற கல்லை கடவுளாக வழிபடும் முறை இருந்தது பற்றி, விவிலிய நூலில் குறிப்பிடப் பட்டுள்ளது. (ஆதியாகம், 28:11-19) யாகோபு கடவுளாக நம்பிய கல்லுக்கு, எண்ணை வார்த்து வழிபட்டதாக கூறுகின்றது. அர்ச்சர்கர்கள் சிவலிங்கத்திற்கு அபிஷேகம் செய்வதை, இன்றைக்கும் நீங்கள் சிவன் கோயில்களில் காணலாம். பண்டைய காலத்து மக்கள், தெய்வச் சிலைக்கு பாலால் மட்டும் அபிஷேகம் செய்யவில்லை. ஆடு, கோழி போன்றவற்றை வெட்டி, அவற்றின் இரத்தத்தை கல்லின் மேல் ஊற்றியும் அபிஷேகம் செய்தனர். மிருகங்களை பலிகொடுக்கும் வழக்கம் இன்றைக்கும் இந்தியாவிலும், இலங்கையிலும் "சிறுதெய்வ வழிபாடு", அல்லது "நாட்டார் வழிபாடு"  என்ற பெயரில் பின்பற்றப் படுகின்றது. இஸ்லாத்திற்கு முந்திய அரேபியாவில் வாழ்ந்த மக்களும், தெய்வமாக கருதி வழிபட்ட கல்லுக்கு, மிருகங்களை பலிகொடுத்து வந்தனர். இன்றைய அரேபியரின் மூதாதையரான நபெத்தியர்களும், அது போன்ற வழிபாட்டை கடைப்பிடித்து வந்தனர். 

புராதன அரேபியாவில், முக்கோண வடிவிலமைந்த கல்லை வைத்து வழிபட்டு வந்தனர். இந்தியாவிலும், இலங்கையிலும் குறிப்பாக கிராமங்களில் வாழும், தாழ்த்தப்பட்ட சமூகங்களை சேர்ந்தவர்கள், இன்றைக்கும் முக்கோண வடிவிலமைந்த கல்லை வைத்து, அதற்கு படையல் செய்து வைத்து வழிபடுவதை வழக்கமாகக் கொண்டுள்ளனர். தமிழர்களில் உயர் சாதியினர், ஆரிய மத வழிபாட்டை பின்பற்றுவதும், அதே நேரம் தாழ்த்தப் பட்ட சாதியினர், ஆதி கால  திராவிட மத மரபை தொடர்ந்தும் பேணி வருவதையும், கருத்தில் கொள்ள வேண்டும். முக்கோண வடிவிலான நடு கல் வைத்து வழிபடுவது, ஆதித் தமிழரின் பண்பாடு என்று தான் தொல்காப்பியமும் கூறுகின்றது. "தமிழ் நாட்டில் பல பகுதிகளில் வெறும் கற்களை நட்டு, அவைகளுக்கு காடன், மாடன், வீரன், சூரன், என்று பெயர் வைத்து வணங்கும் வழக்கத்தை இன்றும் பார்க்கிறோம். இது தமிழர்களின் பரம்பரை வழக்கம்." (தொல்காப்பியத் தமிழர், சாமி சிதம்பரனார்) நாம் நாட்டார் வழிபாடு என்று அழைக்கும், சிறுதெய்வ வழிபாடு, ஒரு காலத்தில் திராவிடர்கள் வாழ்ந்த அரேபியாவிலும் இருந்துள்ளது. ஹீபுரு, அரபு போன்ற செமிடிக் மொழிகளில், அதற்குப் பெயர்  "Bethel".    கிரேக்க மொழியில், "Omphalos".

சிவலிங்கத்தை "ஆண்குறித் தெய்வம்" என்று குறிப்பிடுவது, எப்போதும் சரியானதல்ல. ஆண்குறியை வழிபடும் மத நம்பிக்கை, ஒரு காலத்தில் உலகம் முழுவதும் இருந்துள்ளது. இன்று தம்மை கிறிஸ்தவர்கள் என்று கூறிக்கொள்ளும் ஐரோப்பியர்களும், ஒரு காலத்தில் "ஆண்குறித் தெய்வங்களை" வழிபட்டு வந்தனர். புராதன மதங்களில் செதுக்கப்பட்ட சிற்பங்கள், வரையப்பட்ட ஓவியங்களில் எல்லாம், ஆண் தெய்வங்கள், ஆண் குறியுடன் காட்சி தந்தன. அவற்றை இன்று, இத்தாலிக்கும், கிரேக்கத்திற்கும் சுற்றுலா செல்லும் பயணிகள் நேரில் காணலாம். மனித இனங்கள் காட்டுவாசிகளாக வாழ்ந்த காலங்களில், இயற்கை அழிவுகள், பிற விலங்குகளால் அல்லது போர்களில் கொல்லப்படுதல், போன்ற நெருக்கடிகளுக்கு முகம் கொடுக்க வேண்டியிருந்தது. இந்தப் போராட்டங்களினால், பெருமளவு மனித உயிர்கள் இழக்கப் பட்டன. அந்த இழப்பை ஈடுசெய்வதற்காக,பெருமளவில்  இனப்பெருக்கம் செய்ய வேண்டிய அவசியத்தை உணர்ந்திருந்தனர்.  "பதினாறும் பெற்றுப் பெருவாழ்வு வாழ வேண்டும்" என்ற தமிழ்ப் பழமொழி எல்லாம் அப்பொழுது தான் தோன்றின.

அந்தக் காலத்து மக்கள், பாலியலை ஒரு முக்கியமான சமூகக் கடமையாக் கருதினார்கள். இனப்பெருக்கத்திற்கு காரணமான ஆண்குறி, தெய்வீக சக்தி பொருந்தியது என்று நம்பினார்கள்.  அதனால் தான், ஆண்குறியை கடவுளாக வழிபடும் மத நம்பிக்கைகள் உருவாகின. இது ஒரு வகையில், ஆணாதிக்க சமுதாயம் உருவாவதற்கு வழிவகுத்தது எனலாம். ஐரோப்பாக் கண்டத்தில் முதலாவது வெள்ளையின நாகரீகம் தோன்றிய பல்கேரியாவில், கி.மு. 4000 வருடங்களுக்கு முந்திய புதைகுழிகள் கண்டுபிடிக்கப் பட்டன. அங்கே, ஆண்குறிக்கு தங்கக் கவசம் அணிந்திருந்த மதகுரு ஒருவரின் எலும்புக்கூடும்  கண்டெடுக்கப் பட்டது. பசுபிக் சமுத்திரத் தீவான, பபுவா நியூ கினியாவில், ஆண்குறிக்கு கவசம் அணியும் வழக்கமுடைய பழங்குடி இனம் ஒன்று வாழ்கின்றது. ஆனால், பண்டைய பல்கேரியாவில், சக்தி வாய்ந்த மதத் தலைவர்கள், தமது மேலாண்மையை காட்டிக் கொள்வதற்காக, ஆண்குறிக்கு தங்கக் கவசம் அணிந்து வந்தனர். (100.000 jaar Sex, over liefde, vruchtbaarheid en wellust, Drs. V.T. van Vilsteren)

சிவலிங்க வழிபாடு, இரண்டு வேறுபட்ட பண்பாட்டுக் காலத்தை எடுத்துக் காட்டுகின்றது.  வட இந்தியாவில், சில கோயில்களில் வைக்கப்பட்டிருக்கும் சிவலிங்கம், ஒரு தூண் போன்று நீளமானதாகவும், மேல் முனை ஆண் குறி போன்றும் காணப்படுகின்றது.  இது போன்ற சிவலிங்க வழிபாடு, அப்போது அங்கு தோன்றியிருந்த ஆணாதிக்க சமுதாயத்தை உணர்த்துகின்றது. ஆனால், சிவலிங்கத்திற்கு இன்னொரு அர்த்தமும் உண்டு. "ஆணும், பெண்ணும் சேர்ந்ததே இவ்வுலகம்" என்ற இரட்டைத் தன்மைக் கோட்பாட்டை வலியுறுத்தும் சிவலிங்கங்கள், திராவிட மத நம்பிக்கைக்கு உரியவை. ஆதி கால மனித சமுதாயமும், ஆப்பிரிக்க-திராவிடர்களும் தாய் வழி  சமுதாயத்தை கொண்டிருந்தனர். சமூகத்தில் பெண்ணின் பாத்திரம், சில நேரம் ஆணை விட உயர்ந்து காணப்பட்டது. இந்தியாவில் இந்து மதம் பரவுவதற்கு முன்பிருந்த தாந்திரீக மதம், சிவனையும் பார்வதியையும், "அர்த்த நாரீஸ்வரர்"  என்ற பெயரில் வழிபட்டது. அந்த வழிபாட்டின் தொடர்ச்சி தான், ஆண்குறியும், யோனியும் இணைந்த சிவலிங்கங்கள். 

சிவலிங்கம் அல்லது பெத்தேல் வழிபாட்டுக்கு, இன்னொரு அர்த்தமும் இருந்தது. நடுவில் இருக்கும் பகுதி பூமி அல்லது கோளாகவும், அதை சுற்றியுள்ள பகுதி அண்டவெளியாகவும் கருதப் பட வேண்டும். இந்த நம்பிக்கையானது, "பூமி தட்டையானது"  என்று கூறிய கிறிஸ்தவ இறையியலுக்கு முரணானது. அதாவது, யூத, கிறிஸ்தவ மதங்கள் தோன்றுவதற்கு முன்னமே, பூமி உருண்டை என்பதும், அதை சுற்றி வளிமண்டலம் இருப்பதையும், நமது முன்னோர்கள் அறிந்து வைத்திருந்தனர். (T and O map, http://en.wikipedia.org/wiki/T_and_O_map)  நிச்சயமாக, ஹீப்ரூ, அரபு மொழி பேசிய திராவிடர்களும், அதே காரணத்திற்காக "பேத்தல்" (Bethel ) என்ற கல்லை கடவுளாக வழிபட்டு வந்துள்ளனர். நபெத்தியர்களின் நாகரீகம் சிறப்புற்று விளங்கிய  பேட்ரா (ஜோர்டான்) நகரிலும், அதற்கான சான்றுகள் கண்டெடுக்கப் பட்டன.

ஜெருசலேமில் உள்ள, இயேசு பரலோகம் சென்ற இடத்தில் கட்டப்பட்ட தேவாலயத்தில், ஒரு "பேத்தல் கல்" வைத்துப் பாதுகாக்கப் படுகின்றது.
ஆமாம், விண்கல் இருப்பது, மக்காவில் உள்ள முஸ்லிம்களின் காபாவில் மட்டும் அல்ல. ஜெருசலேமில், கிறிஸ்தவர்களுக்கு புனிதமான தேவாலயத்திலும் அதே விண்கல் உள்ளது.   (In the Church of the Holy Sepulchre in Jerusalem there is also an omphalos. The existence of this stone is based upon the medieval cosmology which saw Jerusalem as the spiritual if not geographical center of the world (see: T and O map). This tradition is likely based on an ancient Jewish tradition that saw Jerusalem as the navel of the world.(Church of the Holy Sepulchre, http://en.wikipedia.org/wiki/Church_of_the_Holy_Sepulchre )

(தொடரும்)



இந்தத் தொடரின் முன்னைய பதிவுகளை வாசிப்பதற்கு:

1.நாம் கறுப்பர்! நமது மொழி தமிழ்! நம் தாயகம் ஆப்பிரிக்கா!
2.பண்டைய எகிப்தின் பத்தினித் தெய்வம்: கண்ணகி அம்மன்
3.சோமாலியர்கள்: தமிழர்களின் மூதாதையர்கள்
4.தமிழர்கள் தொலைத்த ஆப்பிரிக்கக் கடவுள்
5.கோயிலில் பாலியல் தொழில்
6.ஈராக்கில் தோன்றிய தமிழரின் நாகரீகம்
7.ஆடியில் உயிர்த்தெழுந்த, திராவிடர்களின் "கறுப்பு இயேசு!"
8.வேல் முருகன் குடியிருந்த பாக்தாத் நகரம்
9.சிரியாவில் தமிழுக்கு "தம்முழ்" என்றும் பெயர் !
10.கோபுரங்கள் கட்டுவது, ஆண்டவருக்கு விரோதமானது!
11.சிவபெருமான்: ஈராக்கை ஆண்ட கறுப்பின அரசன்? _____________________________________________________________________

 உசாத்துணை நூல்கள்:
1. From Babylon to Timbuktu, by Rudolph R.Windsor
2. Serpent of the Nile, Women and Dance in the Arab World, by Wendy Buonaventura
3. Myths, Dreams and Mysteries: The Encounter Between Contemporary Faiths and Archaic Realities, by Mircea Eliade
4. Myths of Babylonia and Assyria, by Donald A. Mackenzie
5. Mythology, by C. Scott Littleton
6. Babylon, De Echte Stad en de Mythe, by Tom Boily
7. Civilisation One, by Christopher Knight and Alan Butler
8. Persian Myths, by Vesta Sarkhosh Curtis
9. Precolonial Black Africa, by Cheikh Anta Diop
10. Black Arabia & The African Origin of Islam, by Dr. Wesley Muhammad
11. Kusha-Dwipa: The Kushites of Asia, by Dr. Clyde Winters


Web Sites: 
1.Tammuz,http://en.wikipedia.org/wiki/Tammuz_(deity)
2.Dumuzid the Shepherd, http://en.wikipedia.org/wiki/Dumuzid_the_Shepherd
3.Inanna, http://en.wikipedia.org/wiki/Inanna
4.Ishtar, http://en.wikipedia.org/wiki/Ishtar
5.Nimrod, http://en.wikipedia.org/wiki/Nimrod
6.Lingam, http://en.wikipedia.org/wiki/Lingam
7. Omphalos,  http://en.wikipedia.org/wiki/Omphalos


11 comments:

தொழிற்களம் குழு said...

உங்களுக்கு பிடித்த தளங்களை எளிதில் புக்மார்க் செய்யுங்கள் + உங்கள் தளத்திற்கு அதிக வாசகர்களை பெற,,, இணையுங்கள்,,,

http://otti.makkalsanthai.com/

பயன்படுத்தி பாருங்கள் தமிழ் உறவுகளே,, பிடித்திருந்தால் நமது நண்பர்களுக்கு தெரியபடுத்துங்கள்,,,,

mubarak kuwait said...

//விண்கல் வைத்துப் பூஜிக்கப்படுவது, மக்காவில் உள்ள முஸ்லிம்களின் காபாவில் மட்டும் அல்ல//
அன்பரே நீங்கள் தவறாக புரிந்து கொண்டு இருக்கிறீர்கள் காபாவில் உள்ள கல்லை யாரும் பூஜிப்பது கிடயாது. அதை தொட்டு முத்தம் கொடுப்பார்கள் அவ்வளவுதான் முஹம்மது நபி அவர்கள் அப்படி செய்ததனால் நாங்கள் பின்பற்றுகிறோம், சிலை வணக்கம் என்பது யூத, கிருஸ்துவ , முஸ்லிம்கள் மத நம்பிக்கைக்கு எதிரானது.
மக்காவிற்கு செல்வது இப்ராஹிம் நபி காலத்திலிருந்து பின்பற்ற பட்டு வருகிறது என்பதை கவனத்தில் கொள்ளவும்
முஹம்மத் நபிக்கு முந்தய காலத்தில் சிலையை வணங்கியவர்கள் சிலைகளை காபாவிற்குள் வைத்து இருந்தார்கள் முஹம்மத் நபி மக்காவை வெற்றி கொண்ட பிறகு அத்தனை சிலைகளையும் உடைத்து எரிந்து விட்டார்கள், மேலும் காபாவை முதலில் கட்டியது இப்ராஹிம் நபிதான் அவர்களும் சிலை வணக்கத்திற்கு எதிரானவர், சிலயை உடைத்த குற்றத்திற்காக நெருப்பில் வீசபட்டவர்
நீங்கள் விவிலியத்திலிருந்து மேற்கோள் காட்டுகிறீர்கள் அதே விவிலியத்தில் பல முறை பல சமுதாயம் சிலைகளை வணங்கிய குற்றத்திற்காக அளிக்கப்பட்டு இருக்கிறது என்று குறிப்பிட்டு உள்ளதை கவனிக்கவும்

கலையரசன் said...

பூஜிக்கப்படுவது என்ற சொல் இந்த இடத்தில் பொருத்தமற்றது என்று கருதுவதால், அதனை நீக்கி விடுகிறேன். நன்றி, நண்பரே.

mubarak kuwait said...

நீக்கியமைக்கு நன்றி, உங்களின் தளம் ஒரு பொக்கிஷம் அதில் தவறான தகவல்கள் வந்தால் பிற்காலத்தில் அதுவே வரலாறாக மாறிவிடும் வரும் தலை முறையினருக்கு உண்மை வரலாற்றை விட்டு செல்வோம்

dsfdsd said...

அன்பு நண்பரே, உலகம் முழுவதும் தமிழனுக்கு மட்டும்தான் சொந்தம் என்று சொல்லிவிடுவீர்கள் போல், முதலில் உங்கள் ப்ளோக்கை ஆர்வமாக படிப்பேன்..அது மட்டும் இல்லாமல் பாடித்தை எல்லோருக்கும்சொல்லுவேன்..இவர் ஒரு நடுநிலை எழுத்தாளர் என்று ஏனென்றால் அதில் உண்மை மட்டும் இருந்தது, ஆனால் இப்போது தமிழை வாழவைப்பதற்காக, பொய்கள் அதிகமாகி விட்டது..உங்கள் மீது இருந்த நம்பிக்கையும் போய்விட்டது.

கலையரசன் said...

நண்பரே, பதற்றப் படாமல் வாசிக்கவும். உலகம் முழுவதும் தமிழனுக்கு சொந்தம் என்று நான் எங்கேயும் கூறவில்லை. அதனை நான் ஏற்றுக் கொள்ளவுமில்லை. பல இடங்களில் நானே அந்தக் கூற்றை எதிர்த்து வாதாடி இருக்கிறேன். தமிழர்களின் மூதாதையர் குமரி கண்டம் என்று கற்பனை உலகத்தில் இருந்து வரவில்லை. மாறாக, ஆப்பிரிக்காவில் இருந்து வந்தனர் என்பதை நிரூபிப்பதே இந்தக் கட்டுரைகளின் நோக்கம். "தமிழர்கள்" ஆதி காலத்தில் தமிழ் பேசவில்லை, வேறு ஒரு ஆப்பிரிக்க மொழியைப் பேசினார்கள். தமிழர்கள் மட்டுமல்ல, இந்தியாவை சேர்ந்த திராவிட இனங்கள் எல்லாம், ஆப்பிரிக்காவில் இருந்து வந்து குடியேறியவை தான்.

Devapriya Solomon said...

தங்களது பார்வை அகலமானது, சற்றே முன் தீர்மானிக்கப்பட்டதை நிருபிக்கும் வகையில் செல்லும். புது விபரங்களுக்காக படித்தாலும் ஒப்புவது கடினம். மேலுள்ள செய்திகளோடு மேலும் சில உங்கள் கருத்திற்கு.

பைபிள் தமிழில் பல பெயர் சொற்கள் மொழி பெயர்த்து அவற்றின் மூல சொல்லை மறைக்கின்றனர். சில முக்கியமானவை.

யவ- கர்த்தர் ; எல், எல்லொஹிம்- தேவன்; எல் சடை- சர்வ வல்லமை மிக்க தேவன்

எல் என்பது அனைத்து செமித்திய மொழியிலும் உள்ள சொல், வேர் தெரியாது. இவை தமிழ் சொல், எல் - எல்லை இல்லாதவன், எழும்புதல் இல்லாதவர் என்பதைக் குறிக்கும், இவை தமிழில் இருந்து சென்றது என்பார் மறைமலையார்.

சடை - மலைகளின் தேவன் எனப்படும் இச்சொல் சிவனைக் குறிக்கும் என்பதை அனைவரும் ஏற்பர்.

யவ என்னும் எபிரேயப் பெயரை எப்ரிரேயத்தில் எழுதினால் சற்றே மாற்றி அமைத்தால் அது லிங்கம் வரும் என்பர்- தியசாப்பிகல் சொசைட்டி ஆராய்ச்சியாளர்கள்

Devapriya Solomon said...

எல்லோஹிம் என்ற சொல் மிக மிக முக்கியமானது, இது பழைய ஏற்பாட்டில் ஆயிரத்திற்கும் அதிகமான தடவை உள்ளது.

ஹி பெண் பால் ஆகும் ம் - இது பன்மைப் பெயர் ஆகும்

எல்லொய் ஹி -ம் மூன்றும் சேரும் போது இது அம்மையப்பன் என்னும் பொருள் தரும்.

எல்லொஹிம் என்பது அல் அஹ்தும் அல்லாஹ் என அரபியில் மருவியது. இவை அம்மையப்பர் எனும் பொருள் தருவையே.

காபா- கருப்பு லிங்கத்தை வணக்கத்தோடு வலம் வந்து முத்தமிடலே ஹஜ் ஆகும்

கலையரசன் said...

Devapriya Solomon,
விரிவாக பல தகவல்களை இங்கே பகிர்ந்து கொண்டமைக்கு நன்றி.

badru deen said...

தேவிப்ரியா அவர்களே இஸ்லாமியர்கள் கருப்புகல்லை வலம் வந்து வணங்குகின்றனர் என்று எதன் அடிப்படையில் கூறுகிறீர்கள் சொல்லமுடியுமா,கருப்பு லிங்கம் என்றால் அவர்களின் வரிசுகளான எங்களுக்கு ரகசியமாகவோ சொல்லியிருப்பார்கள்,லிங்கத்திற்கும் கருப்புகல்லுக்கும் உள்ள அமைப்பே வேறு.

யூதா அகரன் said...

அடக்கொடுமையே. உள்டா கதையா இருக்கு